ہم سنائِیں تو بات اور ہے
یار، لوگوں کی زبانی اور ہے

چارہ گر روتے ہیں تازہ زخم
دل کی بیماری پرانی اور ہے

جو کہا ہم نے وہ مضمون اور تھا
ترجمان  کی  ترجمانی  اور  ہے

ہے بساط ِدل لہو کی اک بوند
چشمِ پُر خوں کی روانی اور ہے

نامہ بر کو کچھ بھی ہم پیغام دیں
داستان اُس نے سنانی اور ہے

آبِ زمزم دوست لائے ہیں عبث
جو ہم پیتے ہیں وہ پانی اور ہے

سب قیامت قامتوں کو دیکھ لو
کیا میرے جاناں کا ثانی اور ہے

شاعری کرتی ہے اِک دنیا فراز
پر تیری سادہ  بیا نی اور ہے

میں مر مٹا تو وہ سمجھا

تیرا غم اپنی جگہ، دنیا کے غم اپنی جگہ