میں مر مٹا تو وہ سمجھا یہ انتہا تھی میری
اسے خبر ہی نہ تھی خاک کیمیا تھی میری

میں چپ ہوا تو وہ سمجھا کہ بات ختم ہویِ
پھر اس کے بعد تو آواز جا بجا تھی میری

جو طعنہ زن تھا مری پوشش دریدہ پر
اسی کے دوش پہ رکھی ہوئی قبا تھی میری

میں اس کو یاد کروں بھی تو یاد آتا نہیں
میں اس کو بھول گیا ہوں یہی سزا تھی میری

شکست دے گیا اپنا غرور ہی اس کو
وگرنہ اس کے مقابل بساط کیا تھی مری

کہیں دماغ کہیں دل کہیں بدن ہی بدن
ہر اک سے دوستی یاری جدا جدا تھی میری

کوئی بھی کوےَ محبت سے پھر نہیں گزرا
تو شہر عشق میں کیا آخری صدا تھی میری

جو اب گھمنڈ سے سر کو اٹھا ےَ پھرتا ہے
اسی طرح کی تو مخلوق خاک پا تھی میری

ہر اک شعر نہ تھا در خور قصیدۃ دوست
اور اس سے طبع رواں خوب آشنا تھی میری

میں اس کو دیکھتا رہتا تھا حیرتوں سے فراز
یہ زندگی سے تعارف کی ابتدا تھی میری

میں مر مٹا تو وہ سمجھا

تیرا غم اپنی جگہ، دنیا کے غم اپنی جگہ